( ملكيش مكان وسط الغجر )
لوغبتي عني بحس برج من عقلي طاير
ولو زاد بعادك بتسيبي جرح ف قلبي غاير
بشم ريحتك لوبينك وبيني شارع و حاره
اعرفك من غير اماره ومين كمان ليكي زاير
بأغير عليكي لو يد غيري مسكت ف ايدك
انا عبد ليكي مش عبْده لَيّا ولو كنت سيدك
معاكي بفرح بكل حزن مهما زاد الحزن همي
وده حتى دمى بيصب من قلبي ف وريدك
كل بوسه مني ليكي بصوت وعالي تكركري
ل سري فاضحه ولكل اصحابي تجرجري
د انا عشقي ليكي مش مجرد حب وغزل
دي عِشْرة أزل ولا مني يوم بتزرزري
ف لحظة خوالي و ليلة شتا بيكي إختليت
عند القدر يعمي البصر بالعشق إبتليت
طبّت مراتي وشافت اللي بينا وخيّرتني
بينك وبينها وحيّرتني قمت ضارب وافتريت
شدتها مني وفوق راسي ضربت بالحجر
والبصّه طارت والولعه مِسْكت في الشجر
ونَفَسَي إتقَطَع و اللّي طار كأنه ريشه
خلاص يا شيشه ملكيش مكان وسط الغجر
وزاد الهم كرونا جانا كأنه نار ورمادها بص
قفلوا القهاوي لا شيشه فيه ولا حجر بيترص
واتخلصتي يا مراتي من الضره بأمر عالي
وارتاح كمان بالي لا فيه تفاح ولا قص
........................
شعر المستشار / عبد الرسول كريم يس
ليست هناك تعليقات:
إرسال تعليق