....... شجر البرتقال ............
فلسطين صابره صبر الجمال
ولا يهمها صواريخ ولا قنابل
في عروقها الكرامه والنضال
وغيطانها بتطرح عزه وسنابل
الشجاعه في عروووقها جبال
ومستحيل عن حقها تتنازل
بساتينها كل يوم بتزيد جمال
والصمود فى حيطان المنازل
الرجووووولة في دم الأطفال
والشهادة شرف لكل مقاتل
والأقصى صامد لكل الأجيال
والست ع أرضها بألف راجل
وغزة تاريخ ومجد للأبطال
والحجر عارف اسم كل مناضل
فلسطين صابره صبر الجمال
وحقوقها فى رقبة كل غافل
بإصرارها بتتحدي كل محال
وعين الله لا تغفل عن السافل
إللي نسى قد ايه من دم سال
ناسى أوجاعك وعايش متخاذل
الدمار بيزيد عزيمتك إستبسال
وأراضيكى مفيهاش أى فاصل
طيورك بتحرس شجر البرتقال
ولسه السلام في طبعك متواصل
..........................................
ليست هناك تعليقات:
إرسال تعليق