.......... نفسي أسألك .......
نفسي أسألك سؤال يا زمن
ولو هتاخد مني التمن
الدمعه ليه بتبكي عيني
والحزن ليه دايما ماليني
لا صحبه ولا أهل وأحباب
شفت منهم أسوة قلوبهم
شايفين عيوبي ورا الأبواب
وعاميه عيونهم عن عيوبهم
ياما عليا شدوا حيلهم
إللي ف ضيقتهم قلبي شالهم
واللي فيا علم وأثر
طلعت ف الأخر مقصر
المر كاس بإيديك شربته
قلبي الشباب منك شيبته
شايل جروح وبيها ماشي
ومنك إيه لسه مجاشي
أحزان هموم في كل ناحيه
مبشوفش نوم وعيوني صاحيه
معدتش خلاص أنا ملاحق
الجرح وراه حزن ملاحق
الشاعر الغنائي /
عرفات فرج الله بلبل
ليست هناك تعليقات:
إرسال تعليق