أجازة يومين
سألت نفسي
أقضيهم فين
لقيت رجليه بتاخدني
وقلت اتمشى لو ساعتين
مشيت وكنت انا وحدي
أخدني صاحبي بقينا أثنين
نقضي يومين وهتعدي
نشوف الدنيا
نحس اننا عايشين
وخدني ورحنا الساحل
لقيت سكانها فطاحل
اسلوبهم دايما مجامل
وقالي صاحبي هنقابل
أصحاب ملايين
وقالي ياصاحبي انا واصل
فضلت لصاحبي اماطل
جمال البحر كان هايل
فوتني لوحدي مش قابل
محتاج انسى المشاكل
على الشط امللي العين
انا عاشق لغة الأمواج
غزلهم دايما شوق ومزاج
تلاقي الموج ماشي زجزاج
لابينهم شات ولا هاشتاج
ولا رسالة بين الأدراج
منايا أسعد قلبي الحزين
لقيت صاحبي بعد عني
ورفض انه يكلمني
بينكم مصالح ليه تشغلني
لقيت الموج يناديني
يقولي تعالى فى احضاني
لقيت البحر كله حنين
نسيت نفسي فى الميه
وصوت الموج عندي غيه
كلامهم كله ملاغيه
صاحبت البحر فى اليومين
صحيت من نومي وانا سعيد
دا كان حلم يوم العيد
لا كان فى صاحب ولا مواعيد
أتاري الحلم عني بعيد
أروح الساحل مش ممكن
تروح فين
خلينا هنا مع المساكين
(((أسامه جديانه)))
ليست هناك تعليقات:
إرسال تعليق