♦ مصر ♦
يا بلدى
الشريفه
يا فرحتى
وشجن عشقى
لحن كفك
بيحلى لما
نغنى
مواويلك
ويا طلعة
الصبحيه
لما يصحوا
ولادك
مع نور فجرك
وزقزقة
عصافيرك
آه من قاعده
تحت شمسك
ضل وطراوه
أمن وأمان
صبيه عفيه
وأمد الإيدين
أقطف
عناقيدك
منسيه كل الأسامى
قدام اسمك
وويا طلق الميلاد
تبرق ضحكتك
تنور الدنيا
بقناديلك
عاشق كل شبر
فيكى
وكل ببان الورد
مرسومه
فى صبحك
تفوح عطورك
على شط
نيلك
النيل
اللى موجو
بيروى أرضك
بدفا شمسك
والسما الصافيا
زى ما قلبى
صافيلك
وعرق الفلاح
أهالينا
فى الغيطان
بقلب أخضر
لون واديكى
شريان
وريدك
وف خضرة غيطانك
قلبى البرىء
أتمرمغ على جنابى
فرحان مظأطط
والخير
ناويلك
وجهد الصنايعى
اللى بشقاه
فل الحديد
يبنى أمجادك
من جديد
والمجد دايما
بيناديلك
ودم الشهيد
اللى راوى رملك
ويا جندك
وسط الميدان
لون دماهم
لون
عبيرك
يا اللى
لما يلجأ لك
ولادك
قريب غريب
تفتحى ع الوسع
قلبك
مهما يبعد
يرجع
يجيلك
ولما تقفى
ويا إخواتك
فى وش الريح
وتقولى
للى حاسدك
أقف عندك
لو ( سرت ) هنا
خط أحمر
وعقلك
دليلك
ترعدى
قلب
عدوك
ينعقد لسانه
يخاف منك
ولونه الأحمر
يتقلب أسمر
يمسح
دمعته
بمنديلك
اللى يقربلك
يرجع
بسيف الذل
والخيبه
معروف
إن نصر الزمان
هو
سبيلك
أكرم لى أعطش
فى حر صحاريكى
ولا أتمرغ
فى جنة
أعاديكى
أفديكى بروحى
وع الكتاف
أشيلك
يا خالة
العرب
والخال والد
دايماً شايله
عنهم
وواخداهم
فى حضنك
وفوق
جبينك
يا بلدى
يا محروسه
يا أم الدنيا
يا عشق
قديم
مين يقدر
ينكر
جميلك
من يوم ما بدأ
التاريخ
بدأ من عندك
من عهد
مصراييم
والتوحيد
هو
دينك
♦خواطر قلمي♦
طارق على جاب الله
ليست هناك تعليقات:
إرسال تعليق