( أنيـن )
مُتِّى يَمَّي ومات معاي نبع السعاده
مهما اكبر وكاني طفل اربع شهور
فضلت أبكي والبُكَي أصبحلي عاده
لافيشي صدر يحن عليا من الصدور
كبرت سِنَّه وعرفت انطق بالشهاده
وأصلَّي ضُهر واي عصر م العصور
ولا كنتش اعرف للميلاد لازم شهاده
ولااسم امي ف اي سطر م السطور
رغم العلام عشت جهل َمعاه بلاده
ومدرستنا لا فيها باب ولاحتي سور
بعد موتك مليش وجود ومليش اراده
وبعد منك مين يقولي العلم نور
كل همي ودايما اسأل من غير اجابه
امي فين وليه اطلع من غير فطور
كنت اسمع ردود كتير من غير إ فاده
واتاريها بايته وسط قبر من القبور
يوم لقيت صوره ليها من غير كتابه
بريحه فايحه احلى م ريحة العطور
أتاريها أمي عرفتها من غير علامه
لمًّا ماتت كنت انا ف عمر الزهور
حضنت فيها ووسوستني بالهداوه
انت نجم وبكره بدر من البدور
بس ساكن على سطح دنيا بالايجاره
حَتِخْلِي منها فنص ليل أوف الفجور
حتلاقيني ف انتظارك وبالاماره
تحتي جنه والف نهر من النهور
شعر المستشار / عبد الرسول كريم
ليست هناك تعليقات:
إرسال تعليق