الحب
الحب ده احساس جميل
محتاج وفاء مش شطارة
قلب يناجى قلب
يحكى بصمت عن أسراره
وقلب ينبض جو قلب
يئن لو حس انكسارة
الحب
الحب دة بجد قسمه
والنصيب فى ايدينا احنا
ساكن كل شىء ف حياتنا
شووق بيجرى جوة روحنا
وفاء يخلى الفكر سارح
فى عيون حبيب لو كان جارحنا
شايفين هواه فى عيونا ديما
مهما جينا أو حتى روحنا
الحب
الحب دة طفل رضيع
محتاج حنانا محتاج دلعنا
ممكن يموت لو مرة بس
فقد الرعايه أو احنا بعنا
الحب
الحب ده نبع صافى
نهر بيجرى وسط الرياض
جمع قلوب كل الاحبه
لو فرقت بينهم بلاد
الحب ده نفسه عزيزة
حبيب يضحى عشان حبيبه
احساس مغلف بالجمال
حتى عتابه تحسه طيبه
الحب
الحب عمرة مكان شطارة
وحبى ليكى كان خسارة
لان لما بصيت فى قلبك
لقيت حبى مجرد عبارة
#طارق
ليست هناك تعليقات:
إرسال تعليق