شالونى غصب عنى مستاذنوش
على وجهتى مقلوش
شفت كتير ورايا مشيين من الوشوش
وشوش باين عليها الحزن مبيتصنعهوش
ووشوش فرحانه وبتضحك كنت فيهم مغشوش
هناك بعيد صاحب ماشى من زمان مشفتوش
لكنه من كتر الحزن رجليه مبتشيلهوش
وواحد شايل العريش سامعه بيدعى يارب مترجعهوش
خمسه هناك بيعدوا اللى مجوش
وهناك جماعه واقفين يشتروا من السوق باللى ميت ميهتموش
أخيرا شوفت اللى كانوا عنى بيقولوا ميستغنوش
بيتفقوا على سهره اصلهم بقالهم شهر مسهروش
وعند باب الحوش
مد الولاد ايدهم زى الوحوش
الدمع بيخرج من عنيهم ولا قلوبهم دا اللى معرفتوش
عاوزين يزيدونى من عمرهم لكن مقدروش
مشيوا اخيرا سابونى وحيد قبل ما يفرقوا شوية قروش
وصحيت من الحلم قررت أنى اتعظ وغلط معملهوش
مفيش صحاب بينفعوا كلهم ركش وهاموش
سهم الجبالى
ليست هناك تعليقات:
إرسال تعليق