على فين واخدانا يا دنيا وفين رايحين .!
عماله تخبطي فينا يا دنيا شمال ويمين
ولا فيكي لاقينا الراحه تعبنا شهور وسنين
يعني نلاقيها منك ولا من غدر البني أدمين
طب حتى سبينا في حالنا وأدينا صابرين
على فين واخدانا يا دنيا وفين رايحين .!
وببحرك خادنا الهوى والشوق وبقينا تايهين
ولا مستكتره فينا حتى الفرحه ولو ليومين
ماشبعنا منك قسوه ومر وغربه وقلب حزين
ومهما ها تعملي فينا ها نصبر وأدينا عايشين
على فين واخدانا يا دنيا وفين رايحين .!
بالعاميه بقلمي / إبراهيم صالح
على فين واخدانا يا دنيا
10/8/2021
ليست هناك تعليقات:
إرسال تعليق