هي دي البنت المصرية
متحنية بلون الطين
من أرض طارحه حنية
ورحيقها معطر بالرياحين
ونخله واقفة عفية
شايلا على اكتافها سنين وسنين
وجريدها دايب فى الهوى
وقلوب صافية
وبتغني على المزمار ياليل ياعين
وشجى طربها جزوع دافية
واوتاد صالبا نفسها عمرها ماتلين
راكبا جواد تاريخ أمة
كما الفارس فى الميادين
ينادي لمصر البهية
كتابك ينقصه سطرين
نفيسة العلم وبنت بنت رسولنا الأمين
كتبوا التاريخ وكملو سيدنا الحسين
فرسان واقفين على الجبهة
بشجاعة المصريين
واهرامنا اللي فى الجيزة والقلعة
وأجدادنا ودمائهم تسري فى الشرايين
خير أجناد الأرض أولادنا
أكتوبر ثلاثة وسبعين
الله أكبر عبرنا
بفضل الله ثم المخلصين
ورفعنا يامصر أعلامنا
على أرضك الغالية
تاريخك كاتبه بإيدية
بدمي ودم شهداءنا
لا يوم فرطنا ولا خوفنا
بفضل رب العالمين
تراب سينا وطور سينين
بأعلى صوت وكبرنا
ودعوة المصليين
اتوضوا من سلسبيل نيلك
طهارة قلب وبدن
منديلي فرشتو على أرضك
الله أكبر يامسلمين
الله أكبر يامسلمين
تحيا مصر يامصريين
(((أسامه جديانه)))
ليست هناك تعليقات:
إرسال تعليق