انا عندي من الحب فدادين
حاولت أهادي حبايبي
قالوا نهاديه لمين
قلت دا هديه من قلبي
قالوا كلامك زين
بعد ما تكبر و تربي
تهاديه بنظرة عين
قلت أهاديه للي
عليه أمين
***
قلت أبيعه بتمن
للي معاه ملايين
عرضته على أصحاب المال
قالوا مافي ري ولا طين
ليه نشتري الحب
و البشر غدارين
قلت لهم حب الوطن
قالوا الدنيا كلها شبرين
دنيا أرض و سكن
في كل البلاد لنا قصرين
قلت بلدكم صابها المحن
قالوا احنا لنا فيها مين
قلت خسارة ياأم الدنيا
أصحاب المال خاينين
لو مال المركب بينا
لأولادهم مش عارفين
لو يوم احتجت لهم
مايصونوا عشرة سنين
مايشيلك الا الفقير
اللي بيتكلم بالدين
يشيل هم بلده
و تراب الوطن شايلين
يفدي وطنه بدمه
لوطنهم مخلصين
(((أسامه جديانه)))
ليست هناك تعليقات:
إرسال تعليق