،،،،،دروس الحياة،،،،،
@@@@@@@@
الدنيا علمتنا مآسي وعِبر
ودروس عظيمة
صاحب الصاحب الجدع
اللي عمره ما يخون العِشرة والجيرة
إياك ...تصاحب الخسيس
حتي لو شيخ قبيلة
كُل من إيد الفقير
ولو لقمة قليلة
إياك وأكل الغني
أبو مزاج وشرب وبيرة
جالس مخلص ....كتوم
عنده النميمة عيبة
وإياك تجالس الحويط
أبو ميت وش ...وهيبة
عاشر بطون شبعانة
دا جذورهم أصيلة
إياك تعاشر اللي جاع
معرفته قلة قيمة
ناسب بيت أساسه متين
كلمة راجل البيت هي الكلمة الوحيدة
وإياك تناسب بيت مريض
كلمة الست هي الأولي والأخيرة
صاحب طيب القلب
حتي لو لسانه طويلة
إياك والخبيث ...الندل
مُدعي الفضيلة
إتجوز بنت أصول
حتي لو كانت فقيرة
إياك وقليل الأصل
ولو بنته جميلة
إتجوز جميلة الروح
اللي بضحكة حلوة
تنسيك العيشة المريرة
إياك وجميلة الجسد
هيحسدوك عليها...وهتجنن م الغيرة
وإياك دنياك تشغلك ..
أو تلهيك عن آخرتك
ودي أكبر مصيبة
خلي تقواك ...وعملك الصالح
خير زاد للرحلة الطويلة !!!!!!!
" بقلم/مها بركات "
ليست هناك تعليقات:
إرسال تعليق