رباعيات الأحزان (( غرام وحنين ))
( للحزن في قلبي مكان )
آخر مرة أشوفك فيها
قولي أزاي
أبعد عنك وتبعد عني
عمري الجاي
صعب عليا ومش بإيديه
أكون نساي
جوه قلبنا هتفضل باقي
تملي معاي
حب العمر اللي تمنيت
اكون وياه
كل ذكري كانت وياك
مش بتموت
لسه فكرها كأني معاك
بهمس الصوت
كل لحظة تعدي في بعدك
صعب تفوت
والله وحشني طيبة قلبك
بحبك موت
انت حياتي وعمري وروحي
عاشق بجنون
صبر قلبي في بعده كسرني
حنيني إليك
والأيام هتعدي حزينة
وليلي طويل
هتفضل صورتك جوه عنيا
تفكرني بيك
وفي أحلامي وهمس هيامي
وشوقي اليك
أنا مشتقلك قلبي بيعشق
كل ما فيك
نظرة عينك نبض حنينك
لمس اديك
يالي الطيبه تبان في ملامحك
وشداني ليك
كل العمر الجاي ميساوي
احساسي بيك
حب العمر وعشق حياتي
غرام وحنين
كلمات الصدق
فارس الليل الحزين
محمد عطية محمد
27/8/2023
ليست هناك تعليقات:
إرسال تعليق