رايح فين يا بويا
حوار بين الإبن المدلل والفلاح البسيط
قصيدة عامية .....
________
الإبن.....
رايح فين يا بويا
لا تنسىَ مصروفي
والنت عندي مقطوع
وبالي مشغول
وحبيبي ناطر مس كول
وقلبي عليك موجوع يا بويا
الأب.....
رايح أشتغل أبوي
واجيبلك علف معلوف
ومعسل ملفوف
وجل لشعرك مصفوف
وبنطال مخروم
وقرش بعرقي مبلول
لتنعم وعمرك يطول
هذا حظي يا بهلول
الإبن.....
تسلم أبويا
لا تطّول عليَّ
الزهق فاض بيًّ
والجل ما ضلّ ليَّ
والدين للناس كثر عليَّ
والدنيا ضاقت فيّا
جيب بسكوبت وشكلاته
ومعهم لي هديه
الأب.........
حاضر يا بوي
خلفتك الحق عليّ
بس ما كان بايديّا
قلت رجل سند ليَّ
طلعت مايع وفايع
بين الفيس والواتس ضايع
والتوكتك وانستغرام سايح
أصبحت لدنياك بايع
وصِيتك في الهبل ذايع
يا بويا تعال يمي
أربيك وأنسى ألمي
وأسرّحك مع البهايم والغنم
وانسيك المدينة والحضر
وترجع من ثاني تعمل وتعطي
وتشيل تعبي وهمّي
وتزيل وجعي عني
وتصبح رجال
وتقول أبويا
أقعد بالحال
يا سيد الرجال
وتلبس شورى وبنطال
ويرتاح يابوي البال
يكفيك لعب عيال
والفهيم يفهم بالحال
...................
بقلمي / إبراهيم محمود طيطي
الأردن/إربد
ليست هناك تعليقات:
إرسال تعليق