( بتبص ليه )
***********
بقلم الكاتب
محمد عباس
الاسماعيلية
********
بتبص ليه ع الورق
والبنكنوت فاضي
لوحد فينا اتزنق
بيجري ع الماضي
ونهاية قطن وشاش
والبركه في القاضي
اذا حد فينا سرق
هيجيبه ويقاضي
اما الصحاب تفترق
بيقولوا شيء فاضي
جايز ده مل وزهق
عمره ماكان راضي
و عند مفرق طرق
سابه وقال عادي
اصله رياء وذواق
والكاس صبح فاضي
ومره تحت وفوق
بلبل وطير شادي
فارس وكان خيال
عنتر وقال موال
صارع سباع ورمال
لاجل يسوق في جمال
نفس الطريق هادي
حب الضمير زادي
في صحرا اووادي
نادي بعلو الصوت
مابين حياه اوموت
لاحد حاسس بيه
وفي قمة الجبروت
سكت وعاش في تابوت
واجه الامل في قنوط
وعبور لبطن الحوت
طريق وضل الصديق
بدون سند في الضيق
رحله ومن غير بريق
مركب نجاه لغريق
برهان لاخ وشقيق
صنع الزمن اهوال
وبكينا ع الاندال
لافي لاعم وخال
ودوام الحال محال
كل الصحاب بتئن
دم وخفيف الظل
ساعات كتير بيزن
وساعات يتوه في الضل
مابين ملاك اوجن
صغار كبار السن
كبار صغار السن
واقع واصبح يجن
بتبص ليه ع الورق
والبكنوت فاضي
كفاية ذل وقلق
عايش زهيد ماضي
ربي عليك. الحق
نفسي اكون راضي
ليست هناك تعليقات:
إرسال تعليق