نار وصالك:
وينك يامشغل القلب والعين والبال
لاح نجم سهيل وتذكرت نور جمالك
لاتستغرب من هالحال وعندي سؤال
ياترى لوصابك هالشي واشغل بالك
لو هفف الحنين بالقلب والدمع سال
أشاطر مزنات المطر والهطل يحلالك
أتخايل لحافي كنه رداك ولف الشال
يسامر طيفك ليلي وتخيم ظلالك
لو كان نبض القلب بريد لك ومرسال
بكل نبضة شوق وغرام تطلب وصالك
هذا يقين ولاهو مجرد من الأفعال
مايحس بيه غير مجرب ويشبه حالك
بالله عليك لو نطق لساني بقول تعال
تحس بنداي وتقول لبيك ويهل هلالك
شبيه الوصف نار وجمر وغلي الدلال
يشب الحشا لهيبه والقلب دفاه غلالك
دقق وركز بكل كلمة وشطر ومن خلال
البوح والمعاني لك انت ولاهي لعذالك
تذكر ساعات الوصل بين غياب وترحال
كنها صيف منتهي وشتا حاضر بترحالك
عسى يكون بوحي وصل ولاهو محال
منك يرتوي نبض المعاني وحبره زلالك
@عزالدين الحميري@
ليست هناك تعليقات:
إرسال تعليق