( مجروح )
.........................
يا قلبى يا مجروح إياك بالسر تبوح
يا قلبى بكاك واصل للساحل بمطروح
هتفضل لإمتى يا قلبي كده كده مجروح
كاتم وصابر يا قلبي بكل عزه وشموخ
حمال للمآسى يا قلبى لساعة خروج الروح
مع انك يا قلبى قلبى والله كأنك مذبوح
بينك وبين نفسك عمال تصرخ وتنوح
مع انك أمام الكل عمال تضحك وبحبوح
وولا حد حاسس بالحزن والهم وكمية الجروح
أمتى يا قلبى ها تحس ولو لمره بالفرح والأفراح
وأمتى تكون من نصيبك وتشوف الليالى الملاح
وينادى المنادى بأعلى صوت صووووت للصياح
الليله فرح والكل يفرح يابشر حتى الصباح
يمكن حلم بعيشه يداوي قلبى ويداوى الجراح
غصب عني موش بإيدى وبطلب منك السماح
أصل عيونك عيون غزلان وخدودك جناين تفاح
هفضل أحبك وحبك حتى لو العمر عدا وراح
وبحبك وبعشقك كل ليله وكل صباح
بقلمي الشاعر وليد العايدى
ليست هناك تعليقات:
إرسال تعليق