مين بياخد باله منك
بعد مني
مين بيديلك في حضنه
احساسك في حضني
مش قصدي حاجه
انا بس بطمن عليك
فاكر زمان انا كنت شايفك
واحب اسمي
وهو طالع من بين شفايفك
وكنت من نظره عنيك
باحس بيك وبابقي عارفك
ونبض قلبى بيناديك
مش قصدي حاجه
انا بس وحشتني عنيك
انا كنت ليك ارق نسمه
بس الغرام والحب قسمه
وكفايه اشوفك بأرق بسمه
مش قصدي حاجه
انا بس بطمن عليك
عايزاني بس اكونلك صديق
وبقلبي ليكي احساس بريء
خايف لتمشي
في عتمه طريق
وأفضل لوحدى
في بحرك غريق
مش قصدي حاجه
انا بس خايف من الطريق
انا كنت باخد بالي دايما
من كل كلمه
صوتك في قلبي
ارق لحن لأرق غنوه
أنا كنت عايش مشاعري بيك
وكنت فاكر إني ليك
أتاري غيري بيواسيك
واتهد حلمي كله بايديك
مش قصدي حاجه
انا بس بطمن عليك
قعدت بعد هجرك افكر
ازاي قدرت
إنك تخون عهدك وتغدر
ياما سهرنا كتير ليالي
وان غبت عني ولو شويه
كنا بنتلاقي في خيالي
عمر سيرتك عني ماتاهت
دلوقتي سيرتك حتي صورتك
مني ضاعت
سنين وفاتت وانا في مرار
عذاب وحيره وشوق
لطول الانتظار
قررت أنسي وكتير حاولت
بعد انت ما اتنازلت
اني أكمل حياتي بعدك
والثانيه عدت
سنين في بعدك
مره في مره قدرت أنسي
وأعيش حياتي
بس صورتك
في عيني دايما
لما ترجع ذكرياتي
كنت حلمي
دلوقتي انت في عنيا عادي
وباحس انك حد تانى
كل أما أشوفك واقف قصادى
ورضيت خلاص
باللي ليا واللي ليك
صدقنى مش بعتب عليك
مش قصدي حاجه
انا بس بطمن عليك
بقلمي/ عادل علي
ليست هناك تعليقات:
إرسال تعليق