"روحي فداكي"
ماعم بقدرأنساكي
متل وردة بشِبَّاكي
بشوفك قلبي بيفرفح
حتى روحي بتهواكي
لو نارك رح تكويني
ما فيني عيش بلاكي
قسيت علي الأيام
انت وحدك ملاكي
بعيونك زَهَّر قلبي
والله دابَ بحلاكي
قلبي بيغني اسمك
وروحي تبارك وراكي
كلما عيونك بترمش
بشفافك زهرة تحاكي
لماشباكك صادتني
تمنيتك جوا شباكي
ما بدي كل العالم
بس اعيش جواكي
بتلاقي الحب الصافي
عندي وبحفظ هَواكي
بريشة ما رح بأذيكِ
لإني طاير بسَماكي
بحطك جوا عيوني
لو ترضي وربي هداكي
أرض اللي بتمشي عليها
بعبد ربا الل خلاكي
دخلك لاتقسي عليِّ
روحي والله فداكي
د.ابراهيم نجم
ليست هناك تعليقات:
إرسال تعليق