الانثى( هدية للمرأة في يومها)
ياللي في القلب عشقك
جوه الشريان والوريد
ياللي حبك في قلبي
قبل ما اكون لسه وليد
انت بنتي وانت اختي
وانت امي
انت اللي لما ببرد
اجري عليك تضمي
جوه حضنك عرفت
ايه معنى الحنان
رميت حمولي على حجرك
وصالحت بيكي الزمان
يا احلي مخلوق يا انثى
عمري لفضلك ما حانسى
يا فجر صبح انفلق
ومن ضلع مني اتخلق
عمري ما حاقدر اعبر
عن شعوري بالكلام
ليكي مني مليون تحية
والف مليون سلام
بقلمي يحيى حسين القاهرة
8 مارس 2019
ليست هناك تعليقات:
إرسال تعليق