الاسم رضا ابو شنب
جمهورية مصر العربية
ميت غمر
قصيدتي الجديدة
(ماسك بأيدي الناي)
ماسك بأيدي الناي
بنفخ بحنيه
مستني اقول موال
أو اغني اغنية
اوصف بها الاحوال
واوصف كمان فيا
مخلوق من الصلصال
والطينه و الميه
شايل من الاحمال
والصبر فااااض بيا
بشكي على الاطلال
والدمع في عنيا
وان بختي مني مال
فالرك عن النيه
**************
ماسك بأيدي الناي
وعنيا على الميه
فكرت اشرب شاي
والمياه مغليه
لمحتها في الحال
مركب معديه
رفعت ايدي الشمال
ردتني بتحيه
رمت شباكها حبال
وبعدت انا شويه
وسألت نفسي السؤال
ليه السمك غيه
وليه نسيب الغزال
ونحب بلطيه
**************************
وليه نعيش الخيال
نحلم بجنية
نعمل علشانها المحال
والنمرة غربية
ونسيب علشانها العيال
ونضحي بوليه
وان طلبت الخلخال
نكتبلها ١٠٠
ياللي انت غاوي الجمال
اسمع بقى ليا
علشان تطول الجمال
محتاج ملاغيه
وتحط في الموال
رقه وحنيه
وتعيش حياتك حلال
والنفس مرضية
دا الرزق مش بالمال
الرزق بالنية
ماسك بأيدي الناي
بنفخ بحنيه
مستني اقول موال
أو اغني اغنيه
ليست هناك تعليقات:
إرسال تعليق