بتقوللى
بتقوللي خليك جنب منى
إياك في يوم تستغنى عنى
أنا روحى قبلك مكانتش فيا
ولا شوفت يوم فرحه بعنيا
ازاى عشقتك للدرجه ديا
وعشت جنبك أيام هنيه
وياك باحس بدنيا تانيه
خليك معايا في كل ثانيه
أنت يا عمرى كل اللى ليا
كانت حياتى قبلك ضياع
وذكرياتى كدب وخداع
واللي اشتريته بالغالي باع
وزمانى خدنى معاه وضاع
وإنت الوحيد أملى البعيد
عايزاك في قلبى من غير وداع
وخيرتنى ما بينها هى
وما بين ليالى بكت عنيا
يا تبقى جنبى وتبقى ليا
يا أعيش حياتى مع واحده تانيه
وحيرتنى حيره مش عاديه
في لحظة واحدة
أنا توهت منى
وملقتش منى آى رد
بعد أما كانت جنب منى
وفي وقت مكانش جنبى حد
وقالتلى لو تستغنى عنى
بعدك يا عمرى ما هأحب حد
وخيرتنى وحيرتنى
ما بينها هى وحب كان
وفكرتنى بأحلى ذكرى
كانت فى قلبى من زمان
كانت بتحكى وبالدموع
خايفه لأروح من غير رجوع
حسيت ساعتها قلبى إنكسر
ما هو قلب العاشق مش حجر
وطفيت في ضلمتها الشموع
وحكاية سطرها القدر
بتقوللى خليك جنب منى
عادل علي
ليست هناك تعليقات:
إرسال تعليق