فى عيد الحب حهديكى آيات قرآن
حنسمع سوى ترانيم مع صوت آذان
ححكيلك ازاى تكونى ملكه وأكون سلطان
مفيش مانع لتتحسدى اجيب جعران
يا حصن أمان
يا عود ريحان
واقولك أنى حبيتك قبل الزمان بزمان
ولو بايدى اروح بيكى على الكعبه نصلى كمان
اقولك أن صوتك دعاء كروان
عنيكى صافيه كما النهر روتنى أنا الظمان
فى عيد الحب حهديكى دعاء بشجون
فى عيد الحب اوعدك اصون وما أخون
فى حضرتك كل صعب يهون
ياليلى أنا المجنون
ومفيش مانع اجيب الورد والشيكولاتة والبنبون
وازين كمان الروف بالبالون
وفستان سواريه اختاري انتى اللون
واقولك قلبى كان شاغر وبيكى صبح مسكون
واقولك أنك ليه كل الكون
وابطلك غيره وظنون
وهديتك ليه تكون ابتسامه واكون ممنون
سهم الجبالى
ليست هناك تعليقات:
إرسال تعليق