***** لا وألف لا *****
ماتزعلش ياقلبى ماتبكيش ياعيونى**
على اللى جه وراح والناس لمونى **
كان قدر وانزاح ليه ظلمونى **
خلونى الجانى وأنا المجنى عذبونى**
مالهومش غير سيرتى بقلوبهم حسدونى**
كل مايشفونى بنظراتهم يدبحونى **
ينسو كل الناس بحقدهم مايسبونى **
خلو حياتى مرار وعذاب يسقهولى **
بعد ماضيعو منى الأحلام بيصبرونى***
قال ايه خايفين علىٌ بيحبونى **
كل العذاب اللى عنيته وهم بيهدمونى**
كانو السبب فى مأساتى بيصلحونى **
بعد ماكانو بالحفا والفرقة يتهمونى **
يحرقو قلبى ويملو بالحزن عيونى **
يحكو للناس بالكدب عنى ليكدونى **
يحولو حب الناس لىٌ كره ليقهرونى **
فاكرين بعمايلهم أسيبهم يغلبونى **
لا وألف لا عمرى ما أسيبهم يهزمونى **
أرجع تانى وأزرع حلمى الأولانى **
وأقيد شموع الأمل بالطريق يروونى**
وأملا المكان فل ورد وريحان ***
وأعطر نسايم الهوا بعطر البستان***
و أنشر الحب دوا بكل مكان ***
شعر //فاطمة أحمد المراغى *****
ليست هناك تعليقات:
إرسال تعليق