تحت الضلوع:
لاتقسى يالغلا ترى تحت الضلوع قلوب
مرت عليها أيام ومواقف تدري انت بيها
لازم تعرف الغاية من هالكلام والمطلوب
وتحس بكل بيت وشطر وغاية معانيها
تعودت انت على كلماتي وعندك اسلوب
ماغيرك يحس بالبوح والنفس وماتخفيها
يازين ضحتك ودلعك تراه مثل الخطوب
تطرد من الميدان الزعل وانا فدوى ليها
الكل يعرف معزتك وانك علي محسوب
يعدون علي مواقفك وكل خطوة تخطيها
في حضورك يرتاح القلب وغيابك كروب
تسل الجسد والعين صعب حالي يغفيها
تعرف الشمع من تدانيه النار ويبدا يذوب
هذي حالتي والمنى لاتمر بيك وتلاقيها
بالوصف تراني ضعيف واحساسي ينوب
يوصف كل مرة ويتغير وعلاتي يداويها
من يهل حلاك وجمالك أقفل كل الدروب
ويهرول قلبي قبل رجلي والمسافة أطويها
وعزة جلال الله ماني مبالغ ولاني كذوب
يشهد علي الله بكل كلمة وبيت ومغازيها
ياقطرات الغيث هلي بعد غيمات شحوب
لأجل تسقي يابسات العروق وتخظر بواديها
لمتى يظل غيابك مثل هكر ومحجوب
أدور نكز وتحديث نبض قلبي يحتويها
لو شفت بوحي واتعبك تراه مسحوب
بس هذا اللي اخذ مشاعري وخوافيها
رسمت لوحة لي ولغيري ترى يالمحبوب
يازين البوح من القلب ونار الشوق يطفيها
@عزالدين الحميري@
ليست هناك تعليقات:
إرسال تعليق