كل شي له أسباب:
امسح من قاموس حياتك جفا وغياب
مادام نبض القلب ينبض لحن وصبابه
هذا الشعور من الحشا دوم لك ينساب
مايدانيه لحن كمان وعود وعزف ربابه
ماني من اللي يحب الزعل ولاهو عتاب
بس ماودي يكون جوك هم وحزن وكآبه
تحديت دافنشي برسمه وتقسيم زرياب
معاني حروفي لك شبه الغيث وسحابه
الوصف مايدانيه غيري ومن الله الوهاب
شعور واحساس صعب شرحه واعرابه
لوصحت الآه فز قلب الأقارب والأغراب
والعين مايدانيها النوم والروح مالها طبابه
وتيرة تشتد وتخف وكل شي له أسباب
حسب الحال والظرف وصرحي ومحرابه
لاتلتفت لمعسول كلام غيري وتنساب
لتيار تظنه آمن وجميل وتجهل ضبابه
اسرح بكيفك وراحك وان صابك عذاب
تعال اشكي وتلقى عندي صدر ورحابه
ياريم الغلا والشوق ترى حرفي ماينعاب
يطيح كل العذارى والمتيم ينهل رضابه
يزيح الهم ويجلي الكرب ويذلل الصعاب
شبيه من بلغ سن الفتي وتباهى بشبابه
النهاية لك حقيقة ولاهي وهم وسراب
يظل غلاك بالعين والقلب نبضه تنابه
@عزالدين الحميري@
ليست هناك تعليقات:
إرسال تعليق