<< كافي تعال >>
يله مر بيه حلم كافي تعال
مشتريك بشوگ بالليل الطويل
ياغرام صباي يالعبة جهال
ظلت ابالي محطة وشوگ ريل
مدري بوساتك گبل جانت اثكال
مدري خدي المشتهيك يكول حيل
مدري ذيج ايامنه تحير السؤال
والجواب يصير حضنه ولايعيل
ياشفه لعلتي ولامثلك مثال
انني منهك ولامثلي عليل
قدح المشمش على خدك زلال
والشعر ليل وعلى كتافك يسيل
والصدر يامنيتي چالبرتقال
مارحم في خطوته كبدي الذليل
يادفه الزيتون يالوحة جمال
مختصر للذوق والحس الجميل
مر مثل تشرين وامطر بانفعال
واغسل بروحي حزن جدا ثقيل
ياترافة وحسن اشبه بالخيال
عنفواني بباب قصرك يستقيل
انتي يااول عشگ يطريه البال
وانتي ياكل الغرام المستحيل
انتي يامشية دلع مثل الغزال
بهيده تمشي ع الصدر لا ع الدليل
بس تعال وشوف شمحضر مقال
ينثر بگلبي گصايد سلسبيل
تدري بيه اهواك كافي من الدلال
أشكد احبك شوف بعيوني الدليل
عمار المولى
ليست هناك تعليقات:
إرسال تعليق