..........الاصل بيونس..........
مهما دارت الايام الأصيل ....ثابت
علي العهد والعشره دايما ....صاين
وضميره صاحي مهما الدنيا ضاقت
يضحي لأجل كلمته ولا يكون خاين
وبيت الاصيل بابه دايما ......مفتوح
بيت كرم وريحة الخير منه... بتفوح
يجود بكل اللي فيه وقلبه .....راضي
يداوى كل القلوب حتي لوقلبه مجروح
عشرة الأصيل حتي لو عرفته .....يوم
مهما طال الزمن عشرتك معاه ..بتدوم
ويدافع عنك في غيابك دفاع ...صارم
الناس باصلها عمرها ماكنت بلبس الهدوم
ومهما دارت عليه الليالي واشتدت الأيام
لايمد ايده ولا يبص علي أي ........حرام
كرامته فوق اي شيئ مفيش فيها كلام
ويغمس لقمته ملح ولا يشتغل للخسيس خدام
خدها منى ياولدى نصيحه الاصل بيونس
معدنه نضيف زى الدهب عمره ..مايسوس
ومعاك ضهر وسند مهما الزمان ......اتغير
واسمك معاه هيفضل نضيف عمره مايتلوث
...............الاصل بيونس......
Sameh Sameh
ليست هناك تعليقات:
إرسال تعليق