== يوميات ام سعيد ==
حلقات فكاهية اجتماعية من مؤلفات
الأديب الشاعر فضل عبد الرحمن
( الحلقة الرابعة والثلاثون بعد المائة )
عنوان الحلقة ( ام سعيد وغلاء الاسعار )
ـــــــــــــــــــــــــــــ
ام سعيد راحت السوق تشتري شوية طلبات للبيت وخدت معاها ام صفيه جارتها
ام سعيد / بت با ام صفيه انتي يا موكوسة هههههه
ام صفيه / مالك يا وليه يا شر على الصبح الصبح هههههه
ام سعيد / تعالى يابت نروح السوق نشتري شوية طلبات للبيت
ام صفيه / اه والنبي يختشي يحسن الثلاجه فاضية بقالها فترة هههههه
-----
ام سعيد تاخد جارتها وتروح السوق وطبعا انتوا عارفين ام سعيد وليه شر
وبتاع مشاكل ديما هي كده وليه مفترية
ام صفيه / بكام يا خويا كيلو الزيت
صلاح البقال / ب 20 جنيه
ام صفيه ليه يا خويا كده هو الزيت كمان غلي
صلاح البقال / ايوه غلى انتي مش عايشه في الدنيا ولا ايه الدنيا في حالة حرب
ام سعيد / زيت ايه اللى غلي يا راجل يامفتري انت واحنا مالنا ومال الحرب يا
موكوس انت هو احنا ناقصينك انت كمان وقامت خناقة لرب السما بين ام سعيد
وصلاح البقال والسوق كله اتلم عليهم
صلاح البقال / روحي ياختي اسألي الحكومه انا مالي ما كله بيغلي
ام سعيد / والحكومه مالها يا موكوس الغبره هي الحكومه قالت لك غلي الاسعار بمزاجك ؟
ام صفيه / خلاص خلاص يا ام سعيد مش عاوزين مشاكل خلاص يختي تعالى هنطبخ
بسمنه عادي
صلاح البقال / وكمان السمنه غليت روحي باه شوفي مين هيبيع لك بالسعر القديم هههه
ام سعيد / انت هتسكت يا صلاح الغبرة انت ولا ارجع اخلي يومك زي وشك ده
صلاح البقال / لا خلاص وعلى ايه ده انتي وليه شر صحيح ههههه
___________
وام سعيد عملت مليون خناقة في السوق وخدت ام صفيه وروحت البيت لقيت بنتها
بتذاكر مع صفية بنت ام صفيه في البيت
ام صفيه / خلاص يا ام سعيد ما تزعليش نفسك يختي اهو يوم وعدي
ندي / فيه ايه ياماما حصل ايه في السوق النهردة هههههههة
صفيه / اه ياخالتوا احكيلنا اصل انعا اعرف انك مش بتاعت مشاكل خالص هههه
ام سعيد / هقول ايه يا بنات ماخلاص قولوا على الاسعار يا رحمن يارحيم الدنيا
ولعت
صفيه / فيه ايه يا خالتوا ام سعيد انتي مش بتشوفي التليفزيون ولا ايه الدنيا في
حالة حرب وروسيا بتحارب اوكرانيا وشكلها كده هتبقى حرب عالمية تالته
ام سعيد / حرب ؟ حرب ايه يا موكوسه منك ليها انتي وامك
ام صفية / وامها مالها يخشي اهو البنات معاكي ناقري فيهم انا مالي بيكم هههههه
ندى / يا ماما انتي مش بتشوفي التليفزيون ولا ايه
ام سعيد / لا يا حيلة امك بقرأ جرايد - هو انتي يابت انتى وهيه تفكروني شاهله ولا
ايه انا عارفه كل حاجه من طقطق لسلام عليكم
صفيه / طيب فهمينه يا خالتوا المثقفه هههههههه
ام سعيد / بصوا يا مقصضوفة الرقبة انتي وهي دي حرب على النزاع والسيطرة
والبقاء والنفوز الدولي يعني روسيا مش عاوزه اوكرانيا تدخل حلف النيتو
صفيه / ليه باه يا خالتوا كل واحد حر
ام سعيد / حر حر مين يا ام حر - اوكرانيا لو دخلت حلف النيتوا هتكون خطر على
روسيا لانها جارتها وبكده حلف النيتوا هيوضع اسلحه فتاكه على حدود اوكرانيا ويهدد
الامن الروسي وطبعا روسيا مش هتسكت على كده وكل واحد من حقه يحمي حدوده
ندى / ايوه كده يا واد يات دامد انت ده انتي عارفه كل حاجه اهو يا ماما هههههه
صفيه / طيب وامريكا يا خالتوا ايه دخلها في كل ده
ام سعيد / امريكه دي ام المصايب ههههه ما هو يا موكوسه روسيا دي راسها براس
امريكا وامريكا نفسها تمحي روسيا من الوجود بس على راي المثل
( مصر بعيده على ابو جحش ) ههههه لان روسيا دوله كبيرة وقوية واميكا مش فالحه
بس غير في الدول الضعيفه لكن روسيا لا تكلها اكل علشان كده ما تقدرش تعمل معاها
حاجه
ندى / لا يا ماما دي امريكه مطلعه عين روسيا في العقوبات هههههه
ام سعيد / تطلع عين مين يا موكوسه دي روسيا لوحدها عندها غاز يكفي العالم كله
وكمان بتصدر سلاح ودول الغرب عمرهم ما يستغنوا عن الغاز الروسي لو حتى
هيضحوا بام امريكه وكمان يخافوا من روسيا يحسن تخلي ليلتهم سوده
صفيه / ايه ده يا خالتوا يا ام سعيد ده انتي طلعتي داهية مسيحه هههههه
ام سعيد / بقول لك ايه يابت انتي وهي يلا ذاكرو وما توجعوش راسي مش كفايا
الدروس اللى انتوا بتخدوها اللى قاطمه وسطنا يلا خورو في داهيه ههههههه وانتي
كمان يا ام صفيه يلا غوري روحي اطبخي حاجه للعيال ياكلوها
ام صفيه / وانا مالي بيكم ياوليه ده انتي وليه شر صحيح ههههههه
ـــــــــــــــــــــــــــــــ
== يوميات ام سعيد ==
حلقات فكاهية اجتماعية من مؤلفات
الأديب الشاعر فضل عبد الرحمن
( الحلقة الرابعة والثلاثون بعد المائة )
عنوان الحلقة ( ام سعيد وغلاء الاسعار )
ليست هناك تعليقات:
إرسال تعليق