قرار
قررت ابعد وانساكي
قررت اعيش
كرهت نفسي في الطيابه
كرهت ......حالة.......الشجن
من انهارده انا حد ......تاني
متعرفنيش
بطلت اصدق كل الكلام
قررت حتي .......انساني
انا حد تاني
انا معرفنيش
انا حد بطبعي جاد
مودى..........حاااد
فجأه لقتني واحد حنين
طبعه وموده...........لين
فين الجاد فين الحاد
مفيييييش
اتغيرت في كل حاجه
حتي لبسي بقي الافرانكه
ياكش يكون ده راضيكي
بس اكتشفت انها سذاجه
ايوه سذاجه
اني اسيب عقلي وراسي
وامشي وراكي في كل حاجه
وفي النهايه خدت فوق راسي
قلت تستاهل
ايوه استاهل
ماهو كل شيئ جالك بالساهل
حتي قلبي وهبته ليكي
بدون مقابل
وفي النهايه طلعتي فشوش
ماتستهلهوش
ياما عقلي كان بيقولي
وانا مصدقتهوش
كنت طيب لا مش ......طيب
كنت عبيط بزياده
ايوه عبيط اما صدقت
انك تكوني ليا حياه
طوق نجاه
بس يا خساره مطلعتيش
وكل اللي فيكي كان الم وآه
حتي الضحكه ضاعت معاكي
فقررت ابعد وانساكي
وارجع لذاتي ارجع لروحي
ألملم شتاتي واداوي جروحي
واما اشوفك كأني
معرفكيش
خلاص قررت
اعيش
سامح سامح
ليست هناك تعليقات:
إرسال تعليق