الزهر المعكوف
گلبي يا الولاف
جرحاتك يد الصيادة
بجناحك تغطي جراحك
تبكي بالدمعة الحراگة
مال زهري معكوف
لابس جلابة الخوف
تيمشي مع الحيط الحيط
و لْغاه صوتو موقوف
مال زهري علامو طايح
تبعوه الحضاية
عييت ما نوگفو
حصداتو العين السفاحة
دمعتي نشفات
و لسان حالي داوي
نعمر الكيسان
و يبقى كاسي خاوي
الناس تتشفى
يعضو عليك الشفة
الأرض العاگرة
ماتعطي غلة
بغيت لْگاني
و نَنْسى عدياني
نهرس كاسي الخاوي
نرمي شقوفو...
من الباب البرّاني
نخلي كلامي نخوة
و سكاتي ليا نشوة
ما نتفكر لي فات
و الهم عندي ما يبات
مليكة بوكرين
المغرب
ليست هناك تعليقات:
إرسال تعليق