... / #أحترك_بسكوت / ...
====================
ا..أخاف انه الحجي وسالفتي من طين
أخاف الدمعه تنزل لو كلتها
2..الاكيك ابحزن. وشبيه الهموم
تدولبني وتناغيني ولمتها
3.. عفتك منجبر حسبالي أنساك
وشيوخ السلف لجلك عاندتها
4..حرت ابشوفتك ما أعرف امنين
اَبَدي اجروحي جفلت من شفتها
5..أخاف البيتنه اتمر وأمي التصيح
تعرف زين مهضومة چبتها
6..دخلت البيتنه ومكشوفه الأسرار
ودموعي الفضيحه شلون أكتها
7..عرفت اشصار من گالولي خطبوج
وتذوب الروح إذا راحت شفتها
8..اخذوها بلا بخت مو قسمه تنباك
روحي بكل حلم تحلم بستها
9..ويا آخر نفس احترگ بسكوت
أثاري العلل معروفه بصمتها
10..أضمج طير بين ضلوعي فحطان
اجاني الزمن غفله اومني عتها
11..أدك بيبان ذكرچ من يلومون
واگول اشمالكم أنه الردتها
12..ردتها وي الزمن صايرلي بالضيم
ما يرضه بغزل لو غازلتها
13..وما يرضه بفرح لو قصد غلطان
يرجعوني بهضم لو خابرتها
14..ورجع بالجمر بالقهر متروس
أنه الشاريها والله وما خنتها
15..وسألوها الدروب وهالنياشين
تكللكم حقيقة الما حجتها
16..تحلف ليلنه وشمرتنه شوغات
يحلف والجفون أنه أسهرتها
17..وأشكد دوهدتني أيام الفراك
وكول اتهون ترجع عاتبتها
18..مثل ليل الحزن والصبح بالباب
يدك بلا هله وشوغه الشغتها
19..وحالم بالعرس زايرنه خطار
وما ينفع جبر ناري احرگتها
20..تعال اگرب وشوف شلون الجروح
تنزف غيض من گلبي وشلتها
21..عليل الليل يبچي وناحت نجوم
تعن ابقهر للسچه واختها
#سيف_الأعظمي...(الدليمي)...
وشكري وامتناني للأخ والصديق الغالي سعيد ابراهيم
على المنتاج الراقي وبوركت جهودكم
لو ممكن أصدقائي نشر القناة ووضع لايك واشتراك... لو عجبت القصيدة
ليست هناك تعليقات:
إرسال تعليق