ياللي بترصوا العزال
حبه فوق. وحبه تحت
الصف الفوقاني مال
والحقوا الرصه اللي. تحت
ارفعوا لفوق اللي فوق
ونزلوا اللي تحت تحت
خلونا نشوف الحاجات
اللي اتكسرت بقه تحت
خلاص شيلتوا العفش
ليه كده ما اعرفش
مش كل حاجه قفش
عشان كمان ما اندمش
ع العيشه وعلي وع العشره
وما يطلعشي الدهب قشره
كله ينحل بالهداوه
مش بالعناد والاساوه
خليها عليكم حبه
وخلبهاعلينا حبه
نتفاهم بالمحبه
ونتصافي حبه حبه
اللي قاطع فيا بجد
البيت اللي راح ها ينهد
من كتر الاسي والعند
والضحيه هم العيال
مش ها ينسي منهم حد
هاتفضل ذكري في عقولهم
وما فيش حاجه ها تنوبهم
غير انهم يتعقدوا
لما عنكم يتبعدوا
وهاتبقي عقده في حياتهم
وهاتفضل لحد مماتهم
فاكرين ومش ناسيين
إن اللي كانوا غاليين
في لحظه يتسرقوا
والله ببتحرقوا
وبيدفعوا من عمرهم التمن
ومش هايرحمهم زمن
يالا نجدد الامل
ونرجع ونتصافا
ونلم الشمل
ونجيب الأهل
ومانجه علي كنافه
وعيوبنا اللي متشافه
نعالجها بقه ع المهل
وكله باللطافه
رجع العفش ياعم
اتصالحنا وراح الغم
ولاببنا خال ولا عم
وكل شئ يتلم
بيتنا مملكتنا
مش كل حاجه تعبتنا
تيجي على ولادنا
وتهد لنا حياتنا
ها نتحمل بعضينا
ونشوف إللي يراضينا
وتتحمل وهانكمل
والله هانكمل
رجع العفش ياعم
اتصافينا وراح الغم
ولاببنا خال ولا عم
وكل شئ بينا ها يتلم
خلاص اتصالحنا
واتراضينا وفرحنا
وهانداري على جروحنا
وبيتنا نحميه بروحنا
حقك عليا يا حبيبتي
يا حياتي وام بنتي
ولو كنتي مني زعلتي
ابوس على ايدك
والله انا بريدك
سامحيني يا
حبيبتي
بقلمي
محمود عزام
الاحد 30 اغسطس 2020
ليست هناك تعليقات:
إرسال تعليق