الليل الحزين....الشاعر محفوظ البراموني

الليل الحزين   ..

يزور الناس فجأة ..
       ب دون سابق استأذان    ..

يحضر مع دقات القدر ..
       ب  دموع فراق الفقدان   ..

 أموات  الموت المؤلم  ..
         ف  حادثة الحريق  المفجع ..

قطار ليس له عنوان ..
          خطف أحلام  أبرياء بسطاء  ..

حلمهم  الوحيد  ف الحياة ..
            يعيشوا ب الستر  سعداء   ..

الليل الحزين ..
باكي  ..
          شاكي ..

ليل المصائب ..
         دايما و ابدا  مش غايب         ..
           
ليل الحبايب  ..
         دايما و ابدا عنوانه  هارب      ..

لا مفتوح  لا  مقفول ..
        دايما و ابدا  بابه موارب         ..

مع قسوة الريح ..
        دايما  و ابدا ب العصا ضارب   ..

نسمع منه  أنين  ..
         صدى صوت  حسه  شايب       ..

مكلوم ..
          ب  حزن مكتوم  ..
 غيوم ..
           ب  دون  نجوم  ..

الليل  جريح ..
     نوره طفيف صحيح ..
       همسه مخيف مش مريح ..
          ملامحه أفعى ليها  فحيح ..
             مشاعره ب تروح و تسيح ..
             مخلوطة ب دم ميت و جريح ..

أصل القلب ..
         إنكسر و تفتت ..
               إنحدر و تشتت ..

الكلمة هاربة ..
      الجملة شاردة ..
            الحروف غاربة ..

قبل حضور  الليل الحزين ..
كنت مؤمن إن العمر ..
                  مجرد رقم         ..
العمر الحقيقي ..
              ف النعيم نغم         ..

إكتشفت فجاءة  إن العمر     ..
وسط الشقاء ألم ..
         وسط العناء عدم ..
              وسط البلاء صنم    ..

واقف ع أرض هشة ..
لا حول و لا قوة ..
       تهاجمه الأعاصير ..
            ب  قسوة الأمطار  الكثير  ..
                      و حريق القطار الخطير    ..

هذيان قلم :
: محفوظ البراموني :