هو صحيح قلبك......الشاعر محمد صلاح حمزة

هو صحيح قلبك ...
لسه على الوصال ناوي
وحبي لسه غالي عليه
ياللي رضاك أهم شئ عندي
والبعد عنك
عمره ما كان ذنبي
اعمل ايه في حالي
وانت بقيت همي
وان كان كده حالك وحالي
إتبدل ليه ...؟
و بانت القساوة عليه ...؟
ونسيت كمان كلامك ورقتك وحنانك
في ساعة وصالك
كان  عهد  جميل  معاك
و قلبي كان يتمنى رضاك
أيام ما كان الشوق
موجود ...
وعهد الهوى ممدود
و إن غبت يوم عن عيني
صورتك هنا ...
في قلبي
ساكن وقصرك عالي
و عايش معاك خيالي
تأمر وتنهي فيا ..!!
والطاعة فرض عليا ..!!
وكل النعيم دا ...
دلوقتي أنا محروم  منه
وقلبك  ضنين ما عاد بيهمه
أسهر في ليلي وحيد
وانادي طيفك الساري
و أخبي دمعي ...
 اللي على الخد جاري
وأقول مسيروا يوم يجيني
ويعطف على قلبي
اسهر فى ليلي غريب ...!!
أشوف حبيب وحبيب ..!!
وأنا محروم  ومالي  نصيب
أفكر في  روحي  وحيد
تايه   و فكري    شريد
ما بين كلامك وغرامك
وانت قريب مني ...!!
ولوعتي وحرماني وانت بعيد عني ..!!
احتارت انا في أمري
 وقلت  ياريت ياريت
ترجعلي من  تاني  أيامك
محمد صلاح حمزة
(روائح من الزمن الجميل)
................................