سالنى الليل.........محمد صلاح حمزة

سألني الليل ....
عيونك ليه سهرانه       
هايمه في السما مع النجوم
تايها ... وحيرانه 
قلت يا الليل ...
بافكر في اللي هاجرني
وطيفه ساكن النني
وحبه بقى ماضي
وقلبي أنا
عن هجره ...
ماهوش راضي
في ظلام ليلي يعذبني
وطول اليوم مشغول عني
وقلبه عني
ما هوش راضي
وقلت في يوم أعاتبه
وأشتكي غربتي لقلبه
وأفكرو  بالماضي
هجرني يا ليل ...
ونسي الماضي والحاضر
وسابني يا ليل ...
في لوعتي
وقلبي خلاص ما هوش قادر
دا اول حب بيه موعود
وقلبي ليه مخلوق
وعشانه أنا في الدنيا موجود
سابني يا ليل ...
ولا قلبي صبح خالي
ولا هو رحم حالي
في الليل يجيني طيفه
يذود لوعتي وآسايا
وصبحي ويل
عشان قلبه مشغول عني
و مش ويايا
سهران يا ليل ...
أشكي ليك غربتي في هوايا
وقسوة الدنيا معايا
وأحلم بحضنه
وحضنه هو دنيتي ومنايا
وأمتى يجيني ياليل ...
يمسح دمعتي
ويرحم بكايا
وترجع فرحتي
يا ليل ...
وتفرح يا ليل معايا ...
محمد صلاح حمزة