عا هاك الضيعة
شفت خيالك مرق
ومن المطل عالمفرق فرَق
وهاك النظرات اللي فيها
تعب
حالل على وجهك العتب
تسأل وين صاروا الأحباب
صرلو عمر خيالك غاب
راجع محّمل بالعتاب
هالخيال اللي البسمات مني سرق
شفت خيالك وبالذاكرة بعدك
وقديش اتحملت ببُعدك
وأسأل ميات النهر الجارية
رح شوفك قبل ما عمري مني ينسرق
صرت عاتب غياب الشمس عالمطل
كيف هيك خطر خيالك وهَلً
وكيف طولت علي هالغيبات
وصارت النسمات تمرق
وعطر الوردات عَبق
وبسمة صفرا على شفاف عطشانة
بعد ما الي عمر على غيابك زعلانة
خلتني اصحى من حلمي نقزاني
ودموع تبرّد هالقلب بعد ما احترق
ربيعة ارسلان سعيد
ليست هناك تعليقات:
إرسال تعليق