لما كنا صغيرين
كلمات هاني الحداد
لما كنا صغيرين
كانت الأحلام براح
وأما روحنا بالسنين
ضاق براحنا وكله راح
لما كنا صغيرين
كانت الأحلام بريئه
وأما أخدتنا السنين
إتوجعنا بالحقيقة
لما كنا صغيرين
كانت الأحلام في إيدنا
وأما شديتنا السنين
منها خوفنا وليه بعيدنا
لما كنا صغيرين
كانت الأحلام مهاوده
وأما خطفتنا السنين
مش لاقيلها تاني عوده
واللي فاضل لينا إيه
غير سؤال شاغلنا دايماً
حلمنا ضاع منا ليه
وليه بجد واحشنا جداً
ليست هناك تعليقات:
إرسال تعليق