لو مش قادر يطلع صوتك
هات قلمك وكراسه رسمك
ارسم كل اللي بيدور جواك
ارسم ورده تكون .....دبلانه
وحاول تضحك ضحكه بهتانه
وفوق الضحكه اكتب اسمك
اكتب بوضوح نفسيتي تعبانه
شايف وسامع لكن مش حاسس
خايف اكون ميت مش عايش
ارسم قلب بيحضن قلب
ومنهم قلب مفهوش نبض
ارسم صوره من غير وش
جايز في يوم تشبه حد
ارسم صوره لطفل صغير
وجنبه اخوه مات متعور
ارسم ام في نعش كبير
وحاضنه معاها طفل جميل
ارسم فرحه جميله بتهرب خلف السور
ارسم بيت كان زحمه لكنه صبح مهجور
ارسم ضلمه في عز النور
طب ارسم حمل تقيل بيشيلو دراع مكسور
تعرف ترسم دحكه خبيثه وزوور
وخلي الصوره بالالوان السوده
عشان اللون ده طالع موضه
طب تلعب لعبه جمع واكسب
اللي يجمع طفل صغير او وحده شباب
يمكن يكسب ويطلع رحله
رحله اجباري من غير اسباب
او يكسب صوره اب حزين فقد لحباب
ارسم واكتب واملي الكشكول
وامضي بخط عريض وواضح
امضي مواطن عاش مكسور
سامح سامح
ليست هناك تعليقات:
إرسال تعليق