/////////***دورت رحة***/////////
دورت رحة خرجت احروف
وا دارتهم عصيدة لجوف
اتفكرت حنة كا تطحن
وحنا ا حداها نتمعن
شايفين لحبوب بيضا ادقيق
كل ماتعمل فايدة ويليق
وانا نشوف نحلم بقصيدة
جنة تغني غنوة اجديدة
اكلام موزون من سرب لخيال
مازال راسخ ليا في البال
خادني مووالو لسر لحديث
علمني نبني به كل بيت
فينك ياحنة تعيشي تشوفي
من سرك ننقش مالوفي
وشحال علمتي من اجيال
ياك كانت دايرة بك لعيال
هاني منك نكتب ندكرك
حنة و لميمات كتشكرك
منكم خدنا ياك تعلمنا
في دربكم مشينا وسلمنا
بقلم صقر الحروف الزجال المحجوب بوسبولة
ليست هناك تعليقات:
إرسال تعليق