أجمل أيام أيام زمان والناس الأصليه
اللقمه مقسومه بين الكفوف ومكفيه
اللمه علي ضي القمر معاها...... الموال
والضحكه من القلب علي الوش مضويه
القلوب بيضه والنفوس صافيه متصفيه
الدار من الطين وحطانها مرسومه بجمال
والميه في القله الفخار مليانه متعبيه
ورغيف عيش متغمس محبه يكفي ميه
ايام الأدب والجدعنه والكل فيها رجال
البيوت أصبحت بالطوب ....مبنيه
والناس أصبحت سيئه ...الفكر والنيه
والاكل علي السكين وتغيرت الأحوال
والجوع ضرب القلوب....... والانسانيه
والنفوس أصبحت سوده........ ومعميه
الجشع ملأ القلوب والسيد بقي هو المال
ورغيف العيش ..... اتغمس غدر واسيه
والميه اتلوثت بالناس رغم أنها في الحنفيه
راحت الأيام وراح معاها الذوق والجمال
الدنيا اتشقلب حالها وشح الأدب حتي ف الاغنيه
والرجوله أصبحت تراس زى العصايه والجلبيه
عليه العوض في الأيام وسبحان مغير الاحوااال!!!!!
Sameh Sameh
ليست هناك تعليقات:
إرسال تعليق