......... عشان تاخد .......
عشان تاخد لازم تدي
ومتعيشي فيها مادي
ومتبصش لحال غيرك
وعيشها بعند وتحدي
عشان تحس بالفرحه
مترضي باللي ليك مقسوم
وهتلاقي الورود طارحه
وبيها تهد أي هموم
وليك اتمني كل الخير
وبرضه اتمني خير للغير
واللي ليك ربنا مخبيه
أحسن من اللي نفسك فيه
وارمي اتكالك ع الله
وسيب م اللي قال وياللا
ليه تخلي دمعه جوه العيون
عليها إقدر لازم تكون
لا تخلي حزن يهزمك
ولا الجراح يوم تألمك
إوعي تعيش توهه وندم
وتكون ذليل حسرة وألم
وخلي بكره ف الأيام
أحلي كتير من الأحلام
برب العباد خليك مؤمن
ده الضعف ده مرض مزمن
الشاعر الغنائي /
عرفات فرج الله بلبل
ليست هناك تعليقات:
إرسال تعليق