عتاب
مبقتش أسمع همسك
ولا عارف حاجة ياحبييي
عن يومك أو عن أمسك
وهواك ينبض جوا فى قلبي
ووتين القلب بيك متمسك
حبيبي
يا اشراقة جوا فى روحي
يا اسم بيصحيني دايماً
ميوصفهوش كلامي و بوحي
يا كلمة بتتردد فيا
صداها يداوي جروحي
كانت أرواحنا بتتكلم
وقلوبنا تبعت فى تهانى
أو تبعت شكوة حرمان
ليه بعدنا وازاي بقينا
وازاي سكنت جوانا الاحزان
كنتي أطيافي الوردية
وبدر منور فى سماه
انت الحب وأنت الطب
وأنت جرح قلبي والدوا
انا بشرب سم فى غيابك
حافظ عهدك والأسرار
وعتابي دا جوا فى قلبي
وحروفي بتولع نار
ولما يحن قلبى إليك
أو أحس بوجود أخطار
يقتلني شوقي وحنيني
وأبقى ماشي كدا منهار
انتي القمر ساكن ليلي
وشمس لقلبي ونهار
وكل عتابي مختصره بكلمة
بسؤال واحد جاوبي عليه
كل الحب إلي فقلبك
وكان ليه اتغير .....ليه
#مستر طارق العدل العدل
ليست هناك تعليقات:
إرسال تعليق