(حبي سميرة )
بقلم محمد عباس
الاسماعيليه . مصر
انا مشتاق لك عشرة وسيرة
ملكة قلبي وحبي سميرة
عشنا فى صحرا اوفى جزيرة
قصة حب واحلي مسيرة
روح بتدور ع المكتوب
بستان ورد وجوا قلوب
نبع حنان واساسه الجود
طير بيولف ع المحبوب
انا محتاج لك زوجة اميرة
صابرة وراضية وحسن الخيرة
وافية وهادية مطيعه خميلة
ولانرفوزة ولافي غيرة
انا بحلم والحلم فى قربك
احكي واوصف صدق مشاعرك
ولايمكن هسعد من بعدك
انا طالب مخلص ولوعدك
الحب مابينا حاجة تانية
اذا قلنا ضيعنا الدنيا
والناس هتحسد فرحتنا
وتباعد بينا و ايامنا
السر مابينا فى مراسينا
والموج بيشلنا يودينا
لجزيرة والمرسي المينا
ولايدخل حد فى مآسينا
البسمة غابت بوداعنا
والكلمة تزود اوجاعنا
وبنهدم عشنا ومتاعنا
والحقد يعكر اوضاعنا
والدمعه بتسكن مدامعنا
والنظرة بتسرق مسامعنا
والفكر يشتت احوالنا
والصمت يبدد فى لجامنا
والناس تتغنى بالامنا
وهتفرح وتسوء احوالنا
وندمر حلمنا بايدينا
وندوس ع الماضى برجلينا
وعيالنا تعانى الحرمان
شياطين من انس ومن جان
بتدور على وصفة جنان
وتعانى طريق الادمان
بناطيل مقطوعة وتوهان
ونهاية اساسها النسيان
مربوطة فى صخرة احزان
اولحظة ضعف لانسان
بقلم محمد عباس
الاسماعيليه .مصر
ليست هناك تعليقات:
إرسال تعليق