بقلمي /إخلاص رزق صباح
(قلبي الحزين)
كل حاجه لونها غامق ......
تشبهني في قلبي الحزين ........
حتى الفرح ما عاتش فارق .. .......
ولو فرحت هقول لمين......
كل حاجه فى عيني سودا .......
والحبال الدايبه سابت ......
والجروح بقت كتير ..........
كل لما اداوي جرح
ينزف جرح غيره من الانين ......
حتى الضحكه فى عيني ماتت .......
والدقيقه بقت سنين ......
والافكار فى عقلي شابت ......
حتي فكري كمان سجين ......
لوضحكت بقلبى مره .....
عقلي يقولي يارب خير ......
اتعودت على الاسيه ......
والدموع جوه فى عنيه .......
بالنسبالي الفرح ضيف ......
نفسي ييجي يزورنا مره
بس مش يكون خفيف .......
نفسي اشوفك فى الحقيقه ......
مش خيال أو بس طيف ........
سمعت عنك!! ؟؟
بيقولولى انك لطيف .....
بيقولولى الفرح جنه .......
نسمه بارده فى عز صيف .......
بيقولولى الفرح غنوه .......
شجره طارحه فى الخريف .......
بيقولولى الفرح فرشه .......
فى ليله بارده للى نايم ع الرصيف .......
ليست هناك تعليقات:
إرسال تعليق