إسمع .... ✍️
عد الخطاوي
شوفلك بقة سكة
غني الغناوي
ياذوق يا أبو الرقة
وإن كنت ناوي تعتذر
وتقوللنا لأة
مين غيرك إنت
يِحيِلنا الفرح
ويغني في الحِنة
يا ابو صوت أصيل
جميل كروان
بلاش قلوبنا تنجرح منك
لأكون زعلان
ولَجلِنا وإنت ولَجل غُناك
هتوصل لنا إمتى ونستناك
تعالي نِفرح نِنبسط
وقلوبنا تغني معاك
إحنا بشوقنا بِدنا نشوفك
وإن كنت ناوي تعتذر
قوللنا ظروفك
ولو هتيجي فرحنا فرحك
وكأننا ضيوفك
ماأحلي كلامك فى الغُنا
والرقة في حروفك
ناس زينا جاية ونفسها تسمع
وبصوتك إنت
راح تنسي همها
ده الهم صعب و بيوجع
وفرحنا بيك
وبغيرك إنت ما بينفع
ومهما غابت شمسنا
فى سمانا راح تطلع
ومهما طال ليل صبرنا
جى الأمل
مع فجر راح يرجع
إسمع ... ✍️
عادل علي
ليست هناك تعليقات:
إرسال تعليق