////++++ يالراكب ++++////
يالراكب ف فلوكة الغربة
وطريقك ظاهرة ومخبلة
ماعندها عنوان ومعذبة
ف مواج قالبة عواد الطابلة
ماواصل لحلمك با لسساهل
ياك با لواضح باين ظاهر
ياللي بين الموج تتقاتل
مجهول وبايع روحك وساير
خبز لبلاد يتكال بلى سنان
من غيرو مالكاو ليه زرع
والحركة انسات لجام لحصان
وتلف لناس حليب ضرع
ما ل الحال بدل افصولو
مال الساعة انسات لوقات
مابقى ياقلبي مايقولو
حثي قساحيت الراس هوات
كلمات صقر الحروف بقلم الزجال بوسبولة المحجوب
ليست هناك تعليقات:
إرسال تعليق