قالو نسيت المحبوب
وبدي اتزين والبس واحضر فرح
مين قال هالحكي صدق
مين قال هالحكي زين
وحياة رب الكون
قلبي بسواد الليل
ونشفت مني دموع العين
كل ما اتطلعت بوجوه الشباب
بحس بقلبي تكفن بجروح الروح
وترجف مني الشفة
والعين تدمع
والريق بحلقي علق كله أنين
ودور بين الوجوه يمكن اتواجه فيه
ويرتاح قلبي ويمكن استكين
بس يا خسارة
متل جماله وحسنه ما الله خلق
وارجع اغمض العين
والدمعة تحفر عالخد مجرى
آه لو تعرفو بهالعمر
مين شافو مرة بحبو علق
حبيبي ورب الكون
رح نلتقي لو طوبولي الدنيا
ولو طوبولي الكون
....أحبتي صباحكم الأمل والسعادة.....