لإن ربك رب قلوب
مشيت وسط الشوارع...
مشيت وسط الدروب...
وحكيت حكايتي..
مع الليل الطويل..
مع ظلمة الغيوم
مع النجوم فى السما
مع القمر الطيوب.
لإن ربك رب قلوب
نسيت كل اللي فات
وسامحتك عللي جرى
ونسيت معاك الآهات
وطويت صفحات الزمن
وقلبي ليك إنطوي...
وحسيت بحبك من جديد..
كإني ما عرفتك...
ولا عمري شوفتك فى الهوى.
لإن ربك رب قلوب
ناديت عليك هنا...
تيجي انته وأنا..
نتصافح ونسلم.....
وبأدينا نتعلم...
ونتوب لربنا...
وندعيه يجمعنا..
فى لحظة صفا..
علشان نقول مواويل...
آه يا ليل... آه يا ليل..
دا مفيش أحسن من كده..
ولا انته شايف أيه..
علشان نحس بالوفا...
وتحلى الدنيا فى عنينه
لإن ربك رب قلوب
هنكتب أشعار وأغاني..
ولا عمرنا فى يوم هنعانى
ونرسم الضحكة على وشوشنا...
ونقول لبكره تعالالنا...
هنا يا حبيبي من تاني..
ونكتب كلماتنا العذبه...
ونتوه وياها فى المعانى
ولا عمرنا يا حبيبي ...
نقول أنا.. وانته ...آه ياااني..
وبكره أكيد هيكون أحلى..
واليوم يعدي فى ثوانى...
ونفتكر أيامنا...
ونحكى لولادنا...
أجمل حكاوينا...
حواديت كانت بينا...
كبرت مع قلوبنا...
وشابت مع اللي ربونا..
وديما نقول يا دنيا...
أصل ربك وربنا...
رب قلوب..
🌹🌹🌹🌹🌹🌹🌹🌹
بقلم / فايز علام... مصر...
حقوق النشر محفوظة للكاتب
4/2/2019
ليست هناك تعليقات:
إرسال تعليق