............ فووهة بركان .........
تعبت من الكلام وتحضيره
زعلت من الكلام وتفسيره
ومابقتش قادر ع المناهده
وعلى معانى حروفها شارده
ومين بيقدر الوجع وتأثيره
السنين جريت فى حركه
والعمر مابقاش فيه بركه
والرحيل نابض بحذافيره
ع الشفايف مرسومه ضحكة
وخدعووونا وقالووا ملايكه
والاقنعة وقعت فى السكه
والعمر مش قادر ع مشاويره
الكلام مابقاش له أصول
ومرارته مش على أى لسان
متحرف ووراه مجهوول
قصده يقضى على إنسان
وتجاعيد الملامح فى جدوره
من الكدب ع الفاضى والمليان
اللى بشوفه كلنا عايشينه
والمرايا بتفضح كل سنينه
مهما إختلف الوضع والمكان
تعبت من الكلام وتحضيره
فى واقع مقلوووب مصيرة
والشمس غايبه عن مسيرة
وأخرة العتمه فووهة بركان
......................................
......... حسن الشوان 🇪🇬 .....
ليست هناك تعليقات:
إرسال تعليق